شعر/صلاح علي فاضل- احد شعراء ذودان - العود -
غصن عاده طري من هفة الريح قد ماس
مال حالي القوام وشل عقلي ميوله
جا مبكر وصل اقبل مع الصبح نسناس
مختلط بالعطور الجو ساعة وصوله
غصن عاده صغير حالي وله جسم حساس
وفي قوامه دقيق موزون في شكل طوله
في عيونه حور مهسس لي القلب مهساس
وزاد عقلي جنون يوم حط فيهن كحوله
والحواجب شبيه السيف قاسه بمقــــياس
متزن بالميول محدود سبكة نزوله
لابس البالطوه ناعم حريـــــري ومــــــلاس
منه عقلي شرد وعلن عليا ذهوله
طلعه مكتمل وضهر فتونه على الــــناس
كل شي بان لي نحيل زايد نحوله
والنقاب القصير كنه على الوجه قد قــاس
لا انحنى او لفت بان الخفي في سهوله
ابيض العنق فيه يذهل مُركب له اسلاس
ويوم ظهر لي وبان قد دق قلبي طبوله
سار بالثانية يضرب خماسي بالإسداس
كم نهد طالعه من يوم شرف وصوله
قلت له بالنظر شليت فكري والاحساس
قد سلبت الشعور والعطف ذابت اصوله
سرت كلي معك شهقي زفيري والانفاس
من جمالك خلاص القلب يعلن ذبوله
رد لي بالنضر سهمين صابت بلا اقواس
بالفؤاد انغرس والدم ينزف سيوله
وسرت منه جريح والقلب من ضربته خاس
واصبحت حالتي مابين قوسين حوله
ان هجرني وغاب قد دس سمه على كاس
ون رجعلي وعاد انس وشرف وصوله
