لحج نيوز/شعر:أحمد خفاجي -

الوه الوه يا بلد

الدنيا مقلوبه

من دون جميع الأمم

لسه انتي مسحوبه

في الصبح منهوبه

في الضهر مغلوبه

محروقه بلهيب الحر

في عز البرد في طوبه

الوه الوه يا وطن

كنا زمان نتفجَع

لو يرمو عليك طوبه

دار الزمان والكل

في وش الوطن طوبه

الوه الوه يا شعب

عايش في غيبوبه

ألوه ألوه يا بلد

في ليلة عيدها مغمومه

تطول كعكة العيد

تلاقي الكعكه ملغومه

تلف الشاشه ع الجرح

بردو الشاشه مسمومه

الوه الوه يا اسكندريه

ناوين ندافع والا نلعب

لعبة الشعب الضحيه
لحج نيوز/شعر:أحمد خفاجي
[email protected]

--