لحج نيوز/متابعات -
انا بعمر 29 سنة ومتزوجة من حوالى اربعة سنوات وعندى بنت 3 سنين وولد عمره سنة ومن فترة كبيرة حوالى 3 سنوات او اكتر كان بينى وبين زوجى مشاكل كتيرة جدا هوه انسان محترم بلا تجارب مش وسيم ولكن مريح لحد ما كان زميلى فى الجامعة وارتضيت انى ارتبط به لانه انسان يعتمد عليه فعلا لكن طبعة متقلب جدا بس بيهدأ بسرعة وكتير بيبدأ بالصلح بعد اى مشكله هوه عملها الحمد لله المشاكل دلوقتى هديت عن الاول بكتير لكن انا كنت اتعرفت على واحد عن طريق الشات اخد الميل وكنا بنتكلم طول ساعات عمل زوجى وتطورت العلاقة الى انى اتكلمت معاه كاميرا وفون ثم كام مقابلة وعارف انى متزوجة وبالمناسبة هوه اصغر منى سنا بحوالى 8 سنين واتعلقت بيه جدا وحصل ان زوجى شاف محادثة بسيطة على الفيسبوك وكانت مشكلة ووعدته ان مش هيحصل كده تانى لكن للاسف خلفت وعدى معاه ورجعت اتكلم مع الشخص التانى مش عارفة اذا كنت بحبة او متعلقة بيه عاطفيا او عندما أخلوا مع نفسى لكن انا بجد عايزة اسيبه وانتبه لزوجى انا بحبه والله العظيم وبخاف على زعله ومش عارفه اعمل ايه .. ارجوك ساعدنى

صديقتى العزيزة

اعلم جيدا ان الحب ليس بيد مخلوق ….. لكن ما تشعرين به تجاه هذا الشاب ليس بحب بل هو هروب او تجديد

انتى مللت حياتك ورغبتى فى التغير فقط .. مع العلم ان حياتك ليست خاليه من الحب …ولكن لكى تبقى على هذا الحب (( حب زوجك )) يجب عليك ان تعى انك تخونين نفسك قبل ان تخونى زوجك

لقد من الله عليك بالكثير من العطايا …فقد اعطاك الزوج المخلص والمحب لك ورزقك بالابناء

ومن كلامك البسيط عن زوجك هو رجل تتمناه كل امرأة …من منا لا تتمنى رجل محترم بلا تجارب يعتمد عليه فعلا فى الشدائد ، يبدأ بالصلح فى اوقات الخلاف

عليك ان تقدرى هذه النعم فى البدايه حتى يتكون لديك الدافع القوى لأنهاء هذه العلاقة

ما شعورك اختى الحبيبه لو كان زوجك هو من يقوم بالخيانه ؟؟؟ هل ستتحملى الحياه معه وتصبرى على هذا البلاء

ومن دلائل حب زوجك الجنونى لك انه علم بهذه العلاقة ومنحك الفرصه لتصحيح هذا الخطأ ..فاغتنمى هذه الفرصة حتى تعيشى معه مرفوعه الرأس

حتى لا تخجلى من نفسك امام ابنائك فى المستقبل

اختى الحبيبة لقد سترك الله كل هذه الفتره ومنحك الفرصه للتوبه

فتوبى الى الله واحمدى الله على نعمه الكثيره وكونى نعم الزوجة لزوجك ونعم الام لأبناك قبل فوات الاوان